Satılır 4 otaqlı həyət evi 144.4 m²

5,5 sot torpaq sahəsində yerləşən, ümumi sahəsi 144,4 kv.m olan 2 mərtəbəli tam təmirli ev satılır.

Evin xüsusiyyətləri:

1-ci mərtəbədə: geniş dəhliz, 1 qonaq otağı, mətbəx və sanitar qovşaq. 2-ci mərtəbədə: 3 yataq otağı və hamam-sanitar qovşağı. Mərtəbələrarası örtük monolit betondur. 2-ci mərtəbəyə qalxan pilləkən yüksək keyfiyyətli fıstıq ağacından hazırlanıb. Kombi sistemi quraşdırılıb. Ev tam təmirlidir və yaşayış üçün tam hazır vəziyyətdədir.

Həyətyanı sahə:

Jalüz darvaza pult vasitəsilə açılıb-bağlanır. Həyətdə yay mətbəxi, əlavə hamam-sanitar qovşağı və əlavə otaq mövcuddur. Mürəbbə, qışlıq ərzaq, soğan və kartof saxlamaq üçün ayrıca kiçik anbar var. Həyətdəki hamam, sanitar qovşağı və mətbəxdə isti döşəmə sistemi quraşdırılıb. 9-10 növ, təxminən 12 illik bar verən meyvə ağacları mövcuddur. Hasarın 3 tərəfi şam ağacları ilə əhatə olunub. Əlavə olaraq 3 tonluq su çəni var və evin, eləcə də həyətyanı sahənin su təchizatı üçün istifadə olunur. Həyətdə 3-4 avtomobil saxlamaq üçün geniş yer var. Həyət ağ lay daşı ilə döşənib, həm təmiz saxlanılması, həm də hərəkət üçün çox əlverişlidir.

Kommunikasiya və yerləşmə:

Qaz, su, işıq daimidir. Telefon və internet xətti mövcuddur. Əsas yoldan cəmi 50 metr məsafədə yerləşir. Küçə tam asfalt örtüklüdür.